Почитувани, задоволство нѝ е да ве известиме дека нашите ученици поминаа одлично на денешниот општински натпревар по англиски јазик и успеаја да го осигураат нивното место на регионален. Огромна благодарност до сите учесници, нивните родители и ментори! We did it again!

СВЕТСКИ ДЕН НА ХРАНА 16 ОКТОМВРИ!

 Во рамките на проектот ,,Интеграција на еколошката едукација во македонскиот образовен систем , а по повод ,одбележување на ,,Светскиот ден на храна,, 16 Октомври ,денеска во централното училиште и во подрачното училиште во с.Тромеѓа,беа одржани неколку работилници за здрава храна.Во подрачното училиште во с.Тромеѓа покрај изложба богата со цртежи и изработки на учениците,беа подготвени вкусни оброци во училишната кујна и поставени штандови за дегустација на истите.Во активностите земаа учество сите паралелки од ПОУ во с.Тромеѓа.Видеа со подготовка на здрави рецепти во домашни услови,ликовни и литературни творби и низа работилници успешно завршија и учениците од второ,трето,четврто и петто одделение во централното училиште заедно со своите ментори.Во пријатна атмосфера ,истакнувајќи ја потребата од здрава и разновидна исхрана ,со почитување на протоколите,нашите вредни ученици и наставници ,уште еднаш покажаа голем интерес за меѓусебна соработка и учество во активностите.

СВЕТСКИ ДЕН НА ПЕШАЧЕЊЕ!

 Пешачењето е еден од наједноставници облици на спортување и задоволство со кое се намалуваат секојдневните тензии. Пешачењето е значајно за организмот што му дава бројни здравствени бенефити.Ја подобрува работата на срцето и белите дробови,ги јакне мускулите на нозете и сл.Бидејќи денес бевме спречени од временските услови ,овој ден да го одбележиме со прошетка во природа ,во блиската околина,не бевме спречени да спортуваме со најмалите наши ученичиња од прво одделение во нашата спортска сала и да организираме натпревар во одење,под менторство на наставниците по физичко и здравствено образование.

Поетска манифестација "Пролет на сребрените соништа", оддржана во Центар за култура "Ацо Караманов" - Радовиш на ден, 09.10.2021 година. Честитки Сара

Во просториите на нашето училиште, беше одржан Инфо-ден на кој нашиот Ученик правобранител, Илина Стојановска (заедно со својата заменичка) ги запозна присутните ученици со своите активности, задачи во училиштето, одржа кратка презентација за правата на децата, но и нивните обврски.Воедно, беше одржан и првиот состанок на новиот состав на Ученичката заедница.Присуствуваа претседателите на одделенските заедници.Беше избрано, со тајно гласање, Претседателството на УЗ: Ива Додевска-претседател и Исмет Асановски-заменик.Истите ќе ги застапуваат интересите на учениците и ќе присуствуваат на состаноците на Училишниот одбор.Беа избрани и координатори по генерации и беше направен план за работа на следните состаноци. Работата на УЗ ја координираат професорките Весна Алексова и Габриела Бошковска, членови на Тимот за ресурсен пакет.

Во соработка со секторот за превенција при СВР Куманово,од страна на претставниците на секторот беше презентиран едукативниот филм,,Сообраќаен буквар ,,за учениците од второ и трето одделение,во нашето училиште.Со подршка на стручната служба во училиштето успешно беа одржани презентациите,а учениците ги надополниа своите познавања од основните сообраќајни правила.

Подмлаткарите на Црвен Крст (ПЦК) од нашето училиште денеска реализираа хуманитарна акција под мото ,,Од мене, за тебе - подари со љубов“. Целта на истата беше да се подари ученички прибор за да се измами насмевка на лицата на оние ученици на кој тој им е неопходен. Во акцијата зедоа масовно учество многу ученици и нивните наставници. Голема благодарност до сите што ја поддржаа акцијата и за нивната несебична хуманост!!